விஷாலுடன் மோதும் தினேஷின் ‘உள்குத்து’

‘அட்டகத்தி’ தினேஷ் கதாநாயகனாக நடிக்க, கார்த்திக் ராஜு இயக்க, ஜே.செல்வகுமார் தயாரிக்கும் படம் உள்குத்து. ‘திருடன் போலீஸ்’ வெற்றிக் கூட்டணி இப்படத்தின் மூலம் மீண்டும் இணைந்திருக்கிறது. தினேஷுக்கு ஜோடியாக நந்திதா நடிக்கும் ‘உள்குத்து’ படத்தில் பால சரவணன், ஜான் விஜய், சாயா சிங், ஸ்ரீமன், ‘பாண்டிய நாடு’ சரத், திலிப் சுப்புராயன் மற்றும் சமையல் கலை தாமோதரன் ஆகியோர் நடித்து உள்ளனர்.

‘உள்குத்து’ படத்தின் பாடல்களை டிசம்பர் மாதம் வெளியிட உள்ளனர். வரும் பொங்கல் அன்று ரசிகர்களை மகிழ்விக்க வருகிறது ‘உள்குத்து’ என அறிவிக்கப்பட்டுள்ளது. பொங்கல் ரேஸில் முதல் ஆளாக விஷால் ஏற்கெனவே தன்னை அறிவித்துள்ளார். பாண்டிராஜ் இயக்கத்தில் விஷால் நடிக்கும் ‘கதகளி’ படமும் பொங்கல் ரிலீஸாக வெளிவரவிருக்கிறது.